Richard Gomez at Dawn Zulueta ikinasal sa 'Walang Hanggan'

Richard Gomez at Dawn Zulueta

Walang humpay ang usapan ngayon kaugnay ng wedding scenes nina Richard Gomez at Dawn Zulueta sa phenomenal TV drama sa bansa na “Walang Hanggan.”

Para kina Dawn at Richard, napaka-espesyal ng mistulang ‘sikretong’ kasalan nila sa no.1 TV program dahil ito ang kauna-unahang pagkakataon ng lumakad sila sa altar.

“Sa ilang pelikula namin, oo kinasal kami. Pero never kaming pinakita na nasa simbahan at kinakasal,” kwento ni Dawn.

“First time ito na mangyayari sa love team namin. Sa movies kasi, sinasabi lang na ikinasal namin tapos honeymoon na ‘yung eksena,” ani Richard na suportado ng buo niyang pamilya sa kanyang teleserye. “Kahit ‘yung anak kong si Juliana avid viewer. Tinatakpan pa ‘yun ears niya at sasabihan ako na ‘daddy, don’t tell me what will happen. I will just watch the show”

Matuloy na kaya ang pinakahihintay na kasalan nina Marco (Richard) at Emily (Dawn)? Abangan sa phenomenal TV drama ng Pilipinas, “Walang Hanggan,” gabi-gabi, pagkatapos ng “Princess and I” sa Primetime Bida ng ABS-CBN.

Para sa karagdagang impormasyon, mag-log on sa www.walanghanggan.abs-cbn.com, i-like ang http://facebook.com/abs. walanghanggan, o sundan ang @walanghanggan_ sa Twitter.